اسرائیلی وزیراعظم بنجمن نیتن یاہو کے دورہ امریکہ کے دوران رابطہ کرنے میں مشکلات کو بہانہ بناکر اسرائیل نے ایک بار پھر غزہ میں جنگ بندی کیلئے جاری مذاکرات ملتوی کردیئے امکان ظاہر کیا گیا ہے کہ مذاکرات آئندہ ہفتے کے آغاز پر شروع ہوسکیں گے، حماس اور اسرائیل کے درمیان بلواسطہ مذاکرات قطری دارالحکومت میں جمعہ کی صبح شروع ہونا تھے، جس میں مصر اور امریکا کے علاوہ قطر اور اسرائیل کے حکام کی شرکت متوقع تھی تاہم اسرائیلی مذاکرات کاروں نے بتایا کہ اسرائیلی وزیراعظم کی امریکہ میں مصروفیات کے باعث رابطے میں مشکلات کا سامنا ہے، دوحہ میں ہونے والے مذاکرات میں شامل ذرائع نے بتایا کہ یہ التوا اسرائیلی وزیر اعظم بنجمن نیتن یاہو کے ساتھ رابطوں میں مشکلات اور واشنگٹن میں صدر جو بائیڈن کے ساتھ ان کی زیر التواء ملاقات کی وجہ سے کیا گیا تھا، صدر جو بائیڈن نے اسرائیلی وزیراعظم پر زور دیا ہے کہ وہ جنگ بندی مذاکرات کو منطقی انجام تک جلد از جلد پہنچائیں، امریکہ کی دونوں پارٹیاں صدارتی الیکشن سے قبل جنگ بندی کی کوششوں میں مصروف ہیں جو امریکہ میں جنگ مخالف گروہوں کی مخالفت کے متحمل نہیں ہیں۔
اسرائیلی وزیراعظم نیتن یاہو کو 7 اکتوبر کو حماس کے ہاتھوں گرفتار کئے گئے افراد کے اہل خانہ کی جانب سے تنقید کا نشانہ بنایا گیا تھا کیونکہ ابتدائی طور پر ان کے وفد کی دوحہ روانگی بدھ سے جمعرات تک موخر کردی گئی تھی، اسرائیل نے جمعرات کو سات فلسطینیوں کو رہا کردیا ہے، جن میں دو خواتین بھی شامل ہیں جنہیں گذشتہ سال اکتوبر میں اسرائیلی فوج نے گرفتار کیا تھا، وفا نیوز ایجنسی نے رپورٹ کیا کہ حراست میں لیے گئے افراد کو کسوفیم چیک پوائنٹ پر رہا کیا گیا اور دیر البلاح میں ہسپتال لے جانے سے قبل فلسطینی ہلال احمر کے ارکان نے ان سے ملاقات کی، گرفتار شدگان میں سے ایک محمد ال لوح نے بتایا کہ اس نے 30 دن اسرائیلی فوج کی جیلوں میں گزارے جہاں تفتیش کے دوران اسے شدید تشدد، مسلسل مار پیٹ اور بجلی کے جھٹکے دیئے گئے، انہوں نے مزید کہا کہ نظربندوں کی آنکھوں پر پٹی باندھی جاتی ہے اور چوبیس گھنٹے ہتھکڑیاں لگائی جاتی ہیں اور انہیں گنجائش سے زیادہ قیدیوں کے کمروں میں رکھا جاتا ہے، اسرائیلی فورسز پر مختلف حراستی مراکز میں قید فلسطینیوں پر تشدد اور انسانی حقوق کی دیگر خلاف ورزیوں کے الزامات عائد کیے گئے ہیں۔
ہفتہ, ستمبر 7, 2024
رجحان ساز
- مودبانہ بات کرتا ہوں نفرتیں آرمی چیف کیوجہ سے ہیں آپکی طرف سے کم ہونی چاہیے،عمران خان
- تحریک انصاف کا اسلام آباد جلسہ کارکنوں کو ہر صورت پہنچنے کی ہدایت، کرینز اور بلدوزر پہنچ گئے
- ایک اور اسکول اسرائیلی بمباری کا نشانہ آٹھ افراد شہید نوشیرت کیمپ پر حملے میں 33 فلسطینی شہید
- فتنہ الخوارج کے خاتمے تک جہاں پائیں گے سرکوبی کرینگے اِن کیلئے زمین تنگ کردینگے،عمران خان
- پیوتن نے امریکی صدارتی اُمیدوار کاملا دیوی کی حمایت کردی کیونکہ وہ دل کھول کر ہنستی ہیں
- ملک انقلاب کی جانب جارہا ہے جیل کی چکی میں مرجاؤں گا مگر وقت کے یزید کی غلامی نہیں کروں گا
- یوکرین کو طویل فاصلے تک مار کرنیوالے امریکی میزائلوں کی ممکنہ ترسیل روس کیلئے ریڈ لائن ہو گی
- بات ہمارے ہاتھوں سے نکل چکی ریاست کو بلوچوں میں نہیں بلوچستان کے وسائل میں دلچسپی ہے