امریکی سینیٹ نے ترکیہ کو ایف-16 طیاروں کی فروخت روکنے کے بل کو مسترد کر دیا ہے، امریکی سینٹ میں کینٹکی کے سینیٹر سینڈ پال کے پیش کردہ بل کو قبول یا مسترد کرنے پر ووٹنگ ہوئی، ترکیہ کو ایف 16طیاروں کی فروخت روکنے کے بل کو 13 کے مقابلے میں 79 ووٹوں سے مسترد کر دیا گیا، اس طرح ترکیہ کو امریکی ایف-16 طیاروں کی فروخت کو روکنے کے لئے اکیلے پال کی طرف سے تجویز کردہ اقدام کو سینیٹ میں بڑے مارجن سے مسترد کر دیا گیا، 26 جنوری کو امریکی محکمہ خارجہ نے ترکیہ کو 40 ایف-16 لڑاکا طیاروں کی فروخت اور موجودہ ایف-16 طیاروں کو جدید بنانے کے بارے میں کانگریس کو باضابطہ اطلاع دی تھی۔
سرکاری نوٹیفکیشن کے بعد شروع ہونے والے 15روزہ جائزہ اور اعتراضات کے عمل کے دوران، صرف کینٹکی کے سینیٹر رینڈ پال کی طرف سے سینیٹ میں جمع کرائے گئے اعتراض کو ایجنڈے میں لایا گیا اور زیر بحث بل کو سینیٹ کی خارجہ تعلقات کمیٹی کے پاس بھیجا گیا، جہاں بل کے حوالے سے 15دن کی مدت میں کارروائی کی گئی، امریکی انتظامیہ نے حال ہی میں ترکیہ کو ایف-16 طیاروں کی فروخت کے حوالے سے منظوری اور پیشکش کے خطوط دارالحکومت انقرہ کو بھیجے تھے۔