بھارت بوکھلاہٹ کا شکار ہے نریندر مودی نے کابینہ کی قومی سلامتی کمیٹی کا ہنگامی اجلاس طلب کر لیا

انڈیا نے بنگلہ دیش میں طلبہ کے احتجاج کے دوران سینکڑوں طلبہ کی ہلاکتوں پر حاموشی سادھ رکھی تھی، ایس جے شنکر نےاپنے مختصر بیان مین یہ بھی کہا کہ مودی حکومت شیح حسینہ کی حکومت کو تحمل سے کام لینے اور بات چیت شروع کرنے کا مشورہ دیتی رہا تھی، شیخ حسینہ مودی حکومت سے بہت قریب تھیں، ان کی اچانک معزولی نے انڈیا میں گہری تشویش پیدا کردی ہے، ڈھاکہ میں انڈیا کے سابق ہائی کمشنر پیناک رنجن چکرورتی نے ایک انٹرویو میں کہا کہ ابھی بنگلہ دیش میں صورتحال مستحکم نہیں ہے ایک بار وہاں امن وامان قائم ہو جائے اور صورتحال نارمل ہونے کی طرف جانے لگے تو دونوں ملکوں کے رابطے دوبارہ بحال ہونے لگیں گے، انھوں  نے یہ بھی کہا کہ اپوزیشن لیڈر خالدہ ضیا کی بی این پی اور جماعت اسلامی کا دور اقتدار انڈیا کیلئے اچھا نہیں تھا، بقول ان کے نہ صرف ان دونوں جماعتوں نے بنگلہ دیش کے اندر مذہبی انتہا پسندی کو فروغ دیا اور ہندو اقلیت کو نشانہ بنایا بلکہ انڈیا کے اندر بھی شدت پسندوں کی مدد کی، شیخ حسینہ نے اقتدار میں آنے کے بعد انڈیا کی اس طرح کی تشویش کو دور کیا تھا، یہاں انڈین میڈیا کی خبروں میں یہ بتانے کی کوشش کی جا رہی ہے کہ شیخ حسینہ واجد کی حکومت کے ختم ہونے سے بنگلہ دیش اب مذہبی انتہا پرستوں کی گرفت میں چلا گیا ہے اور احتجاجی طلبہ وہاں پورے ملک میں اقلیتی ہندوؤں کے گھروں اور ان کے مندروں پر حملے کر رہے ہیں۔