ستمبر تک عمران خان کو رہا نہ کیا تو اڈیالہ جیل کیطرف لانگ مارچ کریں گے، تحریک انصاف کا اعلان

تحریک تحفظ آئین پاکستان میں شامل جماعتوں کا خیبرپختونخوا کے علاقے صوابی میں جلسہ ختم ہوگیا ہے، جلسے میں شریک رہنماؤں نے اپنے خطاب میں عمران خان کی رہائی کا مطالبہ کیا، جلسے میں روپوش رہنما، پی ٹی آئی پنجاب کے صدر حماد اظہر نے بھی شرکت کی، اور اپنے خطاب میں کہا کہ ستمبر تک عمران خان کو رہا نہ کیا گیا تو اڈیالہ جیل کی طرف لانگ مارچ کریں گے، انہوں نے کہاکہ میں عمران خان کی رہائی کے لئے خود منظر عام پر آکر پنجاب کے عوام کو لیڈ کروں گا، وزیراعلیٰ خیبرپختونخوا علی امین گنڈا پور نے کہا ہے کہ ستمبر کے آخر میں اسلام آباد میں جلسہ ہوگا، کوئی روک سکے تو روک لے، اگر تم نے اپنا رویہ ٹھیک نہیں کیا تو ڈی چوک میں جلسہ ہوگا، صوابی میں جلسے سے خطاب میں علی امین گنڈاپور نے کہا کہ ہمارے لیڈر نے جو کہا اس پر قائم رہا، اگر حقیقی آزادی نہ لی تو تاریخ ہمیں معاف نہیں کرے گی، آج دہشت گردی ہے تو الزام افغانستان پر لگاتے ہو، تم نے ان کے خلاف اڈے دیئے، انہوں نے کہا کہ آج 70 روپے بجلی کا یونٹ ہے اور تیل 145 روپے فی لیٹر ہے، جبکہ پہلی معافی وہ مانگے جنھوں نے ہمارا خون بیچا۔

جلسے سے خطاب میں وزیراعلیٰ خیبرپختونخوا علی امین گنڈاپور نے کہاکہ عمران خان نے ہمیں پرامن رہنے کا کہا ہے، ہم اگست کے آخری ہفتے یا ستمبر کے پہلے ہفتے میں اسلام آباد میں جلسہ کریں گے، اگر انتظامیہ نے اجازت نہ دی تو پھر جلسہ ڈی چوک میں ہوگا، ہمیں کسی کا باپ بھی روک نہیں سکتا،  ان کا کہنا تھا کہ ہم نے آج خوف کا بت تھوڑ دیا ہے، ستمبر کے آخر میں اسلام آباد میں جلسہ ہوگا، کوئی روک سکے تو روک لے،اگر تم نے اپنا رویہ ٹھیک نہیں کیا تو ڈی چوک میں جلسہ ہوگا، محمود خان اچکزئی نے جلسے سے خطاب میں کہا کہ تحریک تحفظ پاکستان ایک تحریک ہے، بانی پی ٹی آئی عمران خان خوش قسمت ہے کہ پشتونوں نے ساتھ دیا ہے، پاکستان کو اگر بنانا ہے تو سچائی کا ساتھ دینا ہوگا، انہوں نے کہا کہ صوابی ایک تاریخی سرزمین ہے، ہم نے کسی کو گالی دیئے بغیر آگے بڑھنا ہے، انصاف کا بول بالا ہوگا تو ملک بنے گا، یہ شہباز اور چوروں کا راستہ روکنا ہوگا۔