واشنگٹن میں یہودی اجتماع کے باہر فائرنگ سے دو اسرائیلی سفارتکار ہلاک ایک ملزم کو گرفتار کرلیا

امریکا کے دارالحکومت واشنگٹن میں فائرنگ سے اسرائیلی سفارتی عملے کے 2 اہم ارکان ہلاک ہوگئے، امریکی سکیورٹی چیف نے اسرائیلی سفارتی اہلکاروں کی ہلاکت کی تصدیق کردی، پولیس نے ایک مشتبہ شخص کو گرفتار کرلیا، جس نے گرفتاری کے بعد فلسطین کو آزاد کرو کے نعرے لگائے، فائرنگ کا واقعہ جمعرات کو یہودی میوزیم میں منعقدہ ایک تقریب کے بعد رونما ہوا، واشنگٹن ڈی سی میں کیپیٹل یہودی میوزیم میں منعقدہ ایک تقریب کے باہر فائرنگ کے واقعے میں اسرائیلی سفارت خانے کے عملے کے 2 ارکان ہلاک ہو گئے جبکہ حکام و میڈیا رپورٹس کے مطابق ایک مشتبہ شخص کو حراست میں لے لیا گیا ہے، حملہ آور کی شناخت الیاس روڈریگیز کے نام سے ہوئی ہے جو ایک مؤرخ، محقق اور کہانی نویس ہے، وہ معروف تحقیقی ادارے دی ہسٹری میکرز سے وابستہ ہے جہاں وہ امریکی معاشرے کی نمایاں شخصیات پر تحقیق کرتا اور تفصیلی سوانحی خاکے مرتب کرتا ہے، روڈری گوئیز نے شکاگو الی نوائے میں جنم لیا اور وہیں پرورش پائی۔ اس نے یونیورسٹی آف الی نوائے شکاگو سے انگریزی ادب میں بیچلرز کی ڈگری حاصل کر رکھی ہے، سنہ 2023ء میں دی ہسٹری میکرز سے وابستہ ہونے سے قبل وہ مختلف تجارتی اور غیر تجارتی ٹیکنالوجی کمپنیوں کے لیے مواد نویسی کر چکا ہے، روڈریگیز کے بارے میں مزید معلوم ہوا ہے کہ اسے تخیلاتی کہانیاں پڑھنے اور لکھنے کا شوق ہے وہ موسیقی سننے، فلمیں دیکھنے اور نئی جگہوں کی تلاش میں دلچسپی رکھتا ہے، وہ شکاگو کے ایوون ڈیل علاقے میں رہائش پذیر ہے اور اس کی عمر 30 برس ہے، رپورٹس کے مطابق اسرائیلی سفارتکار ایک مرد اور ایک خاتون تھیں جن کو تھرڈ اور ایف اسٹریٹس، نارتھ ویسٹ کے علاقے میں گولی مار کر ہلاک کیا گیا، یہ علاقہ یہودی میوزیم، ایف بی آئی فیلڈ آفس اور امریکی اٹارنی آفس کے قریب واقع ہے۔
واشنگٹن پولیس کا کہنا ہے کہ گرفتاری کے وقت حملہ آور نے فلسطین کو آزادی دو کا نعرہ لگایا، پولیس نے پریس کانفرنس میں بتایا کہ مشتبہ شخص کا تعلق شکاگو سے ہے، اُسے گرفتار کر کے اسلحہ تحویل میں لے لیا گیا ہے، حکام کے مطابق ملزم کا اس سے قبل کوئی مجرمانہ ریکارڈ نہیں تھا، اسرائیلی سفارت خانے نے تصدیق کی ہے کہ واقعے میں اس کے دو سفارتکار ہلاک ہوئے ہیں، جو میوزیم میں جاری ایک تقریب میں شریک تھے۔ سفارت خانے نے وفاقی اداروں پر مکمل اعتماد کا اظہار کرتے ہوئے کہا ہے کہ وہ امریکی حکومت کی یہودی کمیونٹی کے تحفظ کی صلاحیت پر یقین رکھتا ہے، واشنگٹن پولیس چیف پامیلا اسمتھ نے بتایا کہ تقریب سے پہلے میوزیم کے باہر ایک شخص چہل قدمی کررہا تھا، وہ 4 افراد کے گروپ کے قریب آیا اور مذکورہ 2 افراد پر فائرنگ کردی اور پھر میوزیم میں داخل ہوگیا، جسے تقریب کی سیکیورٹی نے حراست میں لے لیا، انہوں نے بتایا کہ ہتھکڑی لگائے جانے کے بعد مشتبہ شخص نے واردات میں استعمال ہونے والے اسلحے کی نشاندہی کردی جس کے بعد وہ پستول برآمد کرلیا گیا ہے، انہوں نے کہا کہ ملزم حراست میں فلسطین کو آزاد کرو کے نعرے لگا رہا تھا، انہوں نے بتایا کہ مشتبہ شخص کی شناخت 30 سالہ ایلیئس روڈری گوئیز کے نام سے ہوئی ہے، ریاست شکاگو کے شہر ایلانوئے کا رہائشی ہے، اس سے قبل اسرائیلی سفارتخانے نے متاثرین کی تصویر جاری کی تھی، اب اسرائیل کی وزارتِ خارجہ نے ان کے مکمل ناموں کی تصدیق کی ہے، جو کہ یارون لیشنسکی اور سارہ لن ملگرِم ہیں، ہوم لینڈ سیکیورٹی ڈائریکٹر کرسٹی نوم نے ایکس پوسٹ میں لکھا کہ ہم اس واقعے کی فعال طور پر تحقیقات کر رہے ہیں اور مزید معلومات حاصل کرنے اور شیئر کرنے کی کوشش کر رہے ہیں، ہم اس گھناؤنے مجرم کو انصاف کے کٹہرے میں لائیں گے۔