پنجاب کے محکمہ انسداد دہشت گردی نے صوبے کے مختلف شہروں میں کارروائی کرتے ہوئے تشدت پسند گروہ کے 2 انتہائی خطرناک دہشت گردوں سمیت 7 افراد گرفتار کر لیا، سی ٹی ڈی پنجاب کے ترجمان کا کہنا تھا کہ پنجاب کے مختلف شہروں میں 129 انٹیلی جنس بیسڈ آپریشن کیے گئے اور 7 دہشت گردوں کو گرفتار کیا گیا، ترجمان کا کہنا تھا کہ محکمہ انسدادِ دہشت گردی پنجاب نے یہ کارروائیاں لاہور، بھکر، اٹک، وہاڑی، بہاولپور اور جھنگ میں کی تھیں، ترجمان کا مزید کہنا تھا کہ صوبائی دارالحکومت اور بھکر سے 2 انتہائی خطرناک دہشت گردوں کو اسلحہ اور باروی مواد سمیت گرفتار کیا گیا ہے، ترجمان سی ٹی ڈی نے بتایا کہ دہشت گردوں سے دھماکا خیز مواد، اسلحہ، آئی ای ڈی بم، 2 موبائل فون، ممنوعہ پمفلٹ اور نقدی بھی برآمد ہوئی ہے، واضح رہے کہ 5 اکتوبر کو سی ٹی ڈی پنجاب نے صوبے کے مختلف شہروں میں انٹیلی جنس کی بنیاد پر 134 آپریشن کرتے ہوئے 18 دہشت گرد کو گرفتار کیا گیا تھا، جن میں دہشت گرد گروہوں کے 3 انتہائی خطرناک دہشت گرد بھی شامل تھے، ترجمان سی ٹی ڈی نے بتایا تھا کہ صوبائی دارالحکومت لاہور، خوشاب، گوجرانوالہ، پاک پتن، بہاول نگر، راولپنڈی، فیصل آباد، شیخوپورہ، منڈی بہاؤالدین، میانوالی میں انٹیلی جنس بنیاد پر چھاپے مارے گئے ہیں۔
دوسری طرف فوج کے ترجمان کے دفتر سے جاری کی گئی اطلاعات میں بتایا گیا ہے کہ بلوچستان کے ضلع ژوب میں سکیورٹی فورسز کے کامیاب آپریشن میں 2 دہشت گرد مارے گئے، آئی ایس پی آر کی جانب سے جاری بیان کے مطابق 17 اکتوبر کو بلوچستان کے ضلع ژوب میں سکیورٹی فورسز اور دہشت گردوں کے درمیان فائرنگ کے تبادلے میں 2 دہشت گرد مارے گئے جبکہ علاقے میں کلیرنس آپریشن کے دوران بڑی تعداد میں اسلحہ اور گولہ بارود بھی برآمد کیا گیا، بیان کے مطابق 18 اکتوبر کو سکیورٹی فورسز نے ضلع پشین میں دہشت گردوں کی موجودگی کی اطلاع پر کامیاب خفیہ آپریشن کیا، آپریشن کے دوران 5 دہشت گردوں کو گرفتار کیا گیا، دوران آپریشن بڑی تعداد میں ہتھیار، گولہ بارود اور دھماکا خیز مواد سمیت 3 خودکش جیکٹس برآمد کی گئیں، گرفتار دہشت گرد فورسز پر متعدد حملوں میں ملوث تھے، آئی ایس پی آر کا مزید کہنا تھا کہ دہشت گرد سکیورٹی فورسز اور بے گناہ شہریوں کو نشانہ بنانے کی منصوبہ بندی کر رہے تھے، پاکستان کی سکیورٹی فورسز ملک سے دہشت گردی کے خاتمے اور بے گناہ شہریوں کو دہشت گردوں سے تحفظ فراہم کرنے کیلئے پُر عزم ہیں۔