امریکہ نے ممبئی حملوں کے مشتبہ ملزم پاکستانی نژاد شہری تہور حسین رانا کو بھارت کے حوالے کردیا

امریکہ نے پاکستانی نژاد شہری ڈاکٹرتہور حسین کوممبئی کے 2008ء کے دہشت گرد حملوں میں مشتبہ ٍکلیدی منصوبہ ساز کو ہندوستان کے حوالے کر دیا گیا ہے،تہور حسین راناپاکستانی نژاد ہیں جو کینیڈا اور امریکہ کی شہریت رکھتے ہیں، جمعرات کو نئی دہلی پہنچنے پر رانا کو بھارتی دارالحکومت نئی دہلی میں نیشنل انویسٹی گیشن ایجنسی (این آئی اے) نے باضابطہ طور پر گرفتار کر لیا، ان پر ممبئی کےدہشت گرد حملوں میں مبینہ کردار کے لئے این آئی اے کی خصوصی عدالت میں مقدمہ چلایا جائے گا، جس میں 26 نومبر 2008 کو 166 سے زیادہ لوگ مارے گئے تھے، 64سالہ تہور حسین رانا کو دہلی کی پٹیالہ ہاؤس عدالت میں پیش کیے جانے کا امکان ہے، جہاں ایک خصوصی این آئی اے جج کیس کی سماعت کریں گے، رانا پاکستان کے صوبہ پنجاب میں پیدا ہوئے، انہوں نے 1997 میں اپنی اہلیہ کے ساتھ کینیڈا ہجرت کرنے سے پہلے پاکستان آرمی میڈیکل کور میں خدمات انجام دیں جو کہ ایک معالج بھی ہیں، انہوں نے 2001 میں کینیڈا کی شہریت حاصل کی حالانکہ رانا بنیادی طور پر شکاگو میں رہتے تھے، جن کے امیگریشن سروس ایجنسی سمیت کئی کاروبار تھے، اس نے اور شریک ملزم امریکی شہری ڈیوڈ کولمین ہیڈلی نے مبینہ طور پر پاکستان میں لشکر طیبہ (ایل ای ٹی) کے دہشت گردی کے تربیتی کیمپوں میں شرکت کی۔
این آئی اے نے رانا پر 2011 میں امریکہ میں ہیڈلی کے ساتھی کے طور پر گرفتار ہونے کے بعد اس پر الزام عائد کیا تھا، جس نے لشکر طیبہ کے سربراہ حافظ سعید کے کہنے پر ممبئی حملوں کی منصوبہ بندی اور جاسوسی کی کارروائیاں انجام دی تھیں، رانا کے بارے میں ہندوستانی ایجنسیوں کا خیال ہے کہ وہ حملوں کی منصوبہ بندی میں ملوث تھا، ہیڈلی کو ویزا حاصل کرنے میں مدد کرتا تھا اور غلط شناخت بناتا تھا تاکہ وہ ہندوستان کا سفر کر سکے، رانا کے خلاف مقدمہ مئی 2011 میں امریکہ کی ایک مقامی عدالت میں شروع ہوا، اسی سال جون میں ایک جیوری نے اسے ممبئی حملوں میں مادی مدد فراہم کرنے کی سازش سے بری کر دیا، بھارتی حکومت نے اس وقت رانا کی بریت پر مایوسی کا اظہار کیا تھا تاہم شریک ملزم ہیڈلی نے مارچ ،اپریل 2016 میں اپنے ویڈیو کانفرنسنگ بیان کے دوران تہور رانا کے مبینہ کردار کے بارے میں تفصیلات فراہم کیں، امریکی سپریم کورٹ نے جنوری 2025 میں رانا کی بھارت حوالگی کے خلاف درخواست مسترد کر دی تھی لیکن امریکی صدر ڈونلڈ ٹرمپ نے مودی حکومت کےایک دیرینہ مطالبہ کو پورا کرتے ہوئے بھارتی وزیر اعظم نریندر مودی کے دورہ واشنگٹن کے دوران رانا کی حوالگی کے فیصلے کا اعلان کیا تھا۔