فلسطینی ریاست کے قیام کیلئے قابل قبول 2 ریاستی حل پر مبنی تصفیہ تباہی کے دہانے پر ہے، اقوام متحدہ

اقوام متحدہ کی سلامتی کونسل نے منگل کو مشرق وسطیٰ کی صورت حال پر بات چیت کیلئے اجلاس طلب کیا، یہ اجلاس اس وقت ہورہا ہے جب اسرائیل نے 18 مارچ کو حماس کے ساتھ ابتدائی جنگ بندی کو یکطرفہ ختم کرنے کےبعد غزہ کی پٹی میں فوجی کارروائیوں کو تیز کردیا ہے، اسرائیل کی جانب سے غزہ کی پٹی کی ناکہ بندی سے 2.1 ملین آبادی پر سنگین اثرات مرتب ہوئے ہیں، جو پہلے سے ہی ایک سنگین انسانی بحران میں دوچار تھے، اقوام متحدہ کے سیکرٹری جنرل انتونیو گوٹیرس نے نیویارک میں اجلاس میں شرکت کی، جہاں انہوں نے خبردار کیا کہ اقوام متحدہ کی سلامتی کونسل اور عالمی معاہدوں کے تحت فلسطین اور اسرائیل پر مشتمل دو ریاستی حل تباہی کے دہانے پر ہے، یہ تبصرے ہیگ میں بین الاقوامی عدالت انصاف نے پیر کے روز ناکہ بندی پر سماعت شروع کرنے کے بعد سامنے آئے ہیں، دو ریاستی حل کے امکانات معدوم ہوچکے ہیں ، گوٹیرس نے کہا کہ بین الاقوامی برادری کی ذمہ داری ہے کہ وہ اسرائیل کے مستقل قبضے اورفوجی تشدد کو روکے، گٹیرس نے کونسل میں سفیروں سے یہ بھی کہا کہ اس پر عمل درآمد کو یقینی بنانے کے لئے فوری اقدامات کیے جائیں۔
سلامتی کونسل کے رکن ممالک دو ریاستی حل کو نافذ کرنے کیلئے ناقابل واپسی اقدام کریں، انہوں نے مزید کہا کہ کسی بھی طرف سے انتہا پسندوں کو امن عمل کی باقیات کو کمزور نہ ہونے دیں، اقوام متحدہ کے سیکرٹری جنرل انتونیو گوٹیرس نے ان خستہ حال انسانی حالات کے بارے میں بھی تشویش کا اظہار کیا جس کے تحت غزہ کے باشندوں کو مجبور کیا گیا ہے وہ غیر انسانی زندگی گزاریں اسرائیلی ناکہ بندی کی وجہ سے اہم امداد، ادویات اور بنیادی ضروریات کی عدم فراہمی سے لوگوں کا دم گھٹ رہا ہے، غزہ کی پٹی میں انسانی صورت حال بد سے بدتر ہوتی چلی گئی ہے جس کا تصور بھی نہیں کیا جا سکتا، تقریباً دو پورے مہینوں سے اسرائیل نے خوراک، ایندھن، ادویات اور تجارتی سامان کو بند کر رکھا ہے، جس سے 20 لاکھ سے زائد افراد زندگی بچانے والی ریلیف سے محروم ہو گئے ہیں، جبکہ دنیا دیکھ رہی ہے۔