پاکستان نے 3 دنوں میں 75 ہندوستانی ڈرونز مار گرائے، نئی دہلی جارحیت بند کرنے کیلئے تیار نہیں !

تحریر: محمد رضا سید
پاکستان پر ہندوستان کی جارحیت کو تین روز گزر گئے ہیں، اس دوران پاکستان کے سکیورٹی ذرائع نے جمعے کو بتایا کہ پاکستان کی مسلح افواج نے اب تک انڈیا کے کل 77 ڈرونز گرائے ہیں، آٹھ مئی کی شام تک 29 ہندوستانی ڈرونز کو مار گرایا جبکہ جعمرات رات سے آج دن تک مزید 48 ڈرونز تباہ کے گئے، پاکستانی حکومت کے عہدیدار اپنے بیانات میں یہ کہتے آئے ہیں کہ ہندوستان کی طرف سے پاکستان پر ڈرونز سے حملے کیے جا رہے ہیں جن کو تباہ کیا جارہا ہے، تاہم پاکستانی حکام کی طرف سے اتنی بڑی تعداد میں ہندوستانی ڈرونز کو گرائے جانے کے بیانات پر نئی دہلی کی طرف سے کوئی بیان سامنے نہیں آیا ہے اور نہ ہی پاکستان کے سکیورٹی اہلکار یہ بتاتے ہیں کہ ہندوستانی ڈرونز کو فضاء میں تباہ کیا جارہا ہے یا پاکستانی حدود میں ڈرونز کو ہیگ کرکے زمین پر گرایا جارہا ہے یا پھر ڈرونز از خود زمین پر گر کر تباہ ہورہے ہیں، جنوبی ایشیا میں جوہری صلاحیت رکھنے والے دونوں ممالک ہندوستان اور پاکستان کے درمیان جاری شدید کشیدگی کے دوران دونوں ہی جانب سے فوجی حملوں کے بارے میں تواتر سے بیانات سامنے آرہے ہیں اور دونوں ہی ایک دوسرے کے موقف کی تردید بھی کررہے ہیں، بدھ اور جمعرات کی درمیانی رات ہندوستان کی فوجی تنصیبات پر حملوں کے بارے میں پاکستان کی مسلح افواج کے ترجمان کا کہنا ہے کہ نئی دہلی کی موجودہ شدت پسند مودی حکومت پاکستان پر الزام لگاکر جارحیت کو بڑھانے کا ڈرامہ کررہی ہے اور پاکستان جب حملہ کرے گا تو ساری دنیا دیکھے گی۔
وزیر دفاع خواجہ آصف نے میڈیا کو بتایا ہے کہ دوست ملک پاکستان کے ساتھ مکمل یکجہتی کا اظہار کررہے ہیں۔ دنیا کے ممالک پاکستان کا چین، متحدہ عرب امارات اور سعودی عرب کے ساتھ روزانہ کی بنیاد پر رابطہ ہے، جمعہ کو قومی اسمبلی میں بیان دیتے ہوئے ان کا کہنا تھا کہ اقوام متحدہ میں پاکستانی مشن بہت فعال ہے اور ہندوستان کے جارحانہ عزائم کا سفارتی سطح پر مؤثر جواب دے رہا ہے جبکہ ایک دو ملکوں نے ہندوستان کی ہلکی پھلکی حمایت کی ہے باقی ساری دنیا غیر جانبدار ہے اور کچھ دوست ملک واضح طور پر پاکستان کے ساتھ کھڑے ہیں، جن میں چین، ترکی اور آذربائیجان شامل ہیں، آصف کا کہنا تھا کہ سفارتی کوششیں مزید تیز کرنے کی ضرورت ہے، ہندوستانی حکومت کی بوکھلاہت کا اندازہ اس بات سے لگایا جاسکتا ہے کہ وہ اپنے ملک ایسے میڈیا آؤت لیٹس کو نشانہ بنارہی ہے جو جھوٹی خبروں اور مودی حکومت کے پروپیگنڈے کے مذموم حالات میں حکومتِ ہند کے جنگی جنون پر آواز بلند کررہے ہیں، واضح رہے کہ ہندوستان کی حکمراں جماعت بی جے پی شدت پسند ہندو جماعت ہے جو نا صرف اپنے ملک میں اقلیتوں کو نشانہ بنارہی ہے بلکہ پاکستان میں بدامنی پھیلانے میں ملوث ہے، مودی حکومت نے ہندوستان کے ڈیجیٹل میڈیا ادارے دی وائر تک رسائی بند کردی گئی ہے، دی وائر کی طرف سے فیس بک پر ایک اعلامیہ جاری کیا گیا جس میں کہا گیا ہے کہ ہندوستان کے آئین میں دی گئی آزادیِ صحافت کی واضح خلاف ورزی کرتے ہوئے (مودی) حکومت نے پورے ہندوستان میں دی وائر تک رسائی بند کردی ہے، اس کے علاوہ ہندوستانی وزارت دفاع نے تمام میڈیا چینلوں، ڈیجیٹل پلیٹ فارم اور لوگوں کو سخت ایڈوائزری جاری کرتے ہوئے کہا ہے کہ وہ دفاعی آپریشنز کی لائیو کوریج یا ریئل ٹائم رپورٹنگ سے گریز کریں، یاد رہے کہ ہندوستان کی مودی حکومت نے پاکستانی میڈیا اور فنکاروں کے سوشل میڈیا اکاؤنٹس پر پابندی عائد کردی تھی۔
ہندوستان میں انٹرنیٹ سروس فراہم کرنے والوں کا کہنا ہے کہ دی وائر کو وزارتِ الیکٹرانکس و انفارمیشن ٹیکنالوجی کے حکم کے تحت آئی ٹی ایکٹ 2000 کے تحت بلاک کیا گیا ہے، دی وائر کا کہنا تھا کہ ہم اس کھلی سنسرشپ کے خلاف بھرپور احتجاج کرتے ہیں، خاص طور پر ایک ایسے نازک وقت میں جب ہندوستان کو سنجیدہ، سچ بولنے والی، منصفانہ اور معقول آوازوں اور خبروں و معلومات کے ذرائع کی شدید ضرورت ہے، پریس کی آزادی کے آئینی طور پر دیے گئے حق کی براہ راست خلاف ورزی کرتے ہوئے حکومت ہند نے دی وائر ڈاٹ اِن کو پورے ملک میں بلاک کر دیا ہے ۔ دی وائر کی ویب سائٹ کے ویب ایڈریس پر جانے پر انٹرنیٹ سروس فراہم کرنے والے کی طرف سے ایک پیغام میں کہا جا رہا ہے کہ اسے الکٹرانکس اور انفارمیشن ٹکنالوجی کی وزارت کےآرڈڑ کے مطابق آئی ٹی ایکٹ، 2000 کے تحت بلاک کیا گیا ہے، ایسے وقت میں جب سچی، منصفانہ اور تعقل پسند آوازوں، خبروں اور معلومات کے ذرائع ملک کا سب سے بڑا اثاثہ ہیں، ہم اس طرح کی سینسرشپ کی مخالفت کرتے ہیں، ہم اس من مانی کارروائی سے نمٹنے کیلئے تمام ضروری اقدامات کررہے ہیں، خیال رہے دی وائر نے فرانسیسی ساختہ رافیل طیارے کو پاکستان کی جانب سے گرائے جانے کی تصدیق کی تھی جسے ہندوستان کا گودی میڈیا نظرانداز کررہا تھا، پاکستان نے بدھ کی رات شروع ہونے کے بعد 150 جنگی طیاروں کی مدد سے پاکستان میں ایک بڑی جارحیت کی جس میں فرانسیسی ساختہ رافیل طیارے بھی استعمال کئے گئے، پاکستان پر ممکنہ مگر اچانک حملے کے بعد پاکستانی فضائیہ نے کم از کم 3 رافیل طیارے مار گرائے، جس کی اب امریکی حکام نے بھی تصدیق کردی ہے جبکہ برطانوی نشریاتی ادارے نے ایک روز قبل رافیل طیاروں کی تباہی کی ویڈیوز حاصل کرکے پاکستان کے دعوے کی تصدیق کردی تھی۔
روئٹرز کے مطابق، ہندوستان نے بڑھتی ہوئی کشیدگی کے پیش نظر تمام بندرگاہوں، شپنگ ٹرمینلز اور شپ یارڈز کو سکیورٹی اقدامات سخت کرنے کی ہدایت دے دی ہے۔
ادھر امریکی نائب صدر جے ڈی وینس نے کہا ہے کہ ہندوستان اور پاکستان کو کشیدگی کم کرنی چاہیے، تاہم انہوں نے واضح کیا کہ امریکہ ان جوہری طاقتوں پر قابو نہیں پا سکتااور اگر جنگ چھڑتی ہے تو وہ امریکہ کا معاملہ نہیں ہوگا، گویا امریکہ نے دونوں ممالک کو لڑنے کا میدان فراہم کر دیا ہے اور واشنگٹن ،مودی حکومت کے جنگی جنون کو قابو میں رکھنے کیلئے تیار نہیں ہے تاکہ ہندوستان کی مودی حکومت پاکستان سے جنگ کرکے اپنی اوقات سمجھ لے اور مستقبل میں وہ واشنگٹن کے احکامات کو نظر انداز کرنے کی پوزیشن میں نہ رہ سکتے، امریکہ ہندوستان کو چین کے خلاف کھڑا کرنا چاہتا ہے اور عیار ہندوستانی قیادت زبانی جمع خرچ کے ذریعے اپنا کام نکال رہی ہے، ہندوستان کی حزب اختلاف کی سیاسی قوتوں یہ بات سمجھ میں آرہی ہے کہ مودی آگ سے کھیل رہے ہیں مگر سیاسی مصلحتیں آڑے آرہی ہیں وہ مودی کے اقتدار کو ختم کرنے پر متفق ہیں لہذا ہندوستانی حکومت کو جنگ کی طرف بڑھنے سے روکنےکا صائب مشورہ دینے کے بجائے مودی حکومت کے جنگی جنوں کی حمایت کررہی ہیں، مودی حکومت فی الحال جارحیت بند کرنے کے موڈ میں نظر نہیں آرہی ہے لہٰذا فی الحال یہی کہا جا سکتا ہے کہ ایک مکمل جنگ کی تیاریاں کی جا رہی ہیں جبکہ ایسی اطلاعات بھی سامنے آئی ہیں کہ آگلے 24 گھنٹوں کے دوران پاکستان کی فضائیہ ہندوستانی جارحیت کا بھرپور جواب دینے جارہی ہے جو یقیناً جنگ کی آگ کو بھڑکائے گا لیکن اس کی پوری ذمہ داری مودی حکومت کو اپنے سر لینا ہوگی۔