نادرا کے ڈپٹی اسسٹنٹ ڈائریکٹر نجیب اللہ کو اسلام آباد سے اغواء کرلیا گیا

نیشنل ڈیٹا بیس اینڈ رجسٹریشن اتھارٹی (نادرا) میں حاضر فوجی افسر  لیفٹیننٹ جنرل منیر کی بحیثیت سربراہ تعیناتی کے بعد اپوزیشن کی سیاسی جماعتوں کی جانب سے خدشات ظاہر کئے جارہے تھے کہ عام انتخابات کے دوران نادرا کے اہم کردار کی وجہ سے پولیگ اور قبل از پولینگ مداخلت بیجا ہوسکتی ہے، اس سے قبل بھی ووٹرز کی جانب سے سوشل میڈیا پر یہ حقیقت سامنے آئی ہے کہ ووٹرز کو  دوسرے حلقوں اور اضلاع میں رجسڑڈ کردیئے گئے ہیں، اسی دوران یہ خبر سامنے آئی ہے نادارا  کے ڈپٹی اسسٹنٹ ڈائریکٹر نجیب اللہ کو اسلام آباد سے اغواء کرلیا گیا ہے، تفصیلات کے مطابق نادرا کے افسر کے اغوا کا مقدمہ اسلام آباد پولیس نے تھانہ رمنا میں مغوی کے بھائی کی مدعیت میں درج کرلیا ہے، مدعی مقدمہ نے بتایا کہ ان کے بھائی گزشتہ رات 9 بجے گھر سے نکلے لیکن ابھی تک واپس نہیں آئے، نجیب اللہ نے انہیں فون بھی کیا تھا اور وہ آواز سے گھبرائے ہوئے محسوس ہو رہے تھے، مغوی کے بھائی کا کہنا تھا کہ نجیب اللہ نے انہیں کال پر بتایا کہ ان کو کسی نے بٹھایا ہوا ہے اور پھر بھائی کا فون بند ہوگیا۔