اسلامی جمہوریہ ایران کے رہبر اعلیٰ آیت اللہ العظمیٰ الامام سید علی خامنہ ای کے اعلیٰ فوجی مشیر نے خبردار کیا ہے کہ دمشق میں ایرانی سفارتخانے پر اسرائیل کے میزائل حملے کے بعد دنیا بھر میں کوئی بھی اسرائیلی سفارت خانہ اب محفوظ نہیں ہے، اتوار کے روز اپنے ریمارکس میں میجر جنرل یحییٰ رحیم صفوی نے کہا کہ رہبر معظم نے اسرائیلی حکومتکو منہ توڑ جواب دینے کا اعلان کیا تھا، اُنھوں نے کہا کہ اسرائیلی حکومت شام میں ایران کے سفارتخانے پر حملہ کرنے پر ہمیشہ پچھتائے گی، انہوں نے مزید کہا کہ مزاحمتی محاذ اس وعدے کو پورا کرنے کے لئے پوری طرح تیار ہے، جنرل صفوی نے کہا کہ ہمیں انتظار کرنا ہوگا اور دیکھنا ہوگا کہ اسرائیل کا کیا بننے گا، انہوں نے مزید کہا کہ اسرائیلی حکومت کا کوئی بھی سفارت خانہ اب محفوظ نہیں ہے اور اسی خوف کی وجہ سے اب تک اپنے 28 سفارتخانوں کو بند کر دیا ہے، سپاہ پاسداران انقلاب اسلامی کے سابق چیف کمانڈر رحیم صفوی نے مزید کہا کہ ایران کے سفارتخانے پر حملے کی وجہ سے اسرائیلی آباد کار خوف میں زندگی گزار رہے ہیں، اُنھوں نے کہا کہ وہ ہر رات مرنے کا خواب دیکھتے ہیں اور وہ سب سے خوفناک مخلوق ہیں۔
دوسری طرف لبنان کی مزاحمتی تحریک حزب اللہ کا کہنا ہے کہ اس نے مشرقی لبنانی اضلاع پر اسرائیلی حملوں کے جواب میں اور غزہ پر نسل کشی کے دوران اسرائیلی فوجی ٹھکانوں پر درجنوں راکٹ داغے ہیں، عربی زبان کے المیادین ٹیلی ویژن نیوز چینل نے مقامی ذرائع کا حوالہ دیتے ہوئے کہا کہ لبنان سے تقریباً 40 راکٹ مقبوضہ گولان کی پہاڑیوں اور گیلیلی پین ہینڈل میں اسرائیلی چوکیوں کی طرف داغے گئے جو بالائی حصے کے شمالی حصے میں واقع ہے، حزب اللہ نے ایک علیحدہ اعلامیہ میں کہا کہ اس نے اسرائیل کی کیلا اور یوف بیرکوں کے اندر فضائی جنگ اور میزائل دفاعی مراکز پر دسیوں کاتیوشا راکٹ فائر کیے ہیں، مزاحمتی مطابق یہ حملے لبنان کے دارالحکومت بیروت سے تقریباً 30 کلومیٹر مشرق میں واقع وادی بیقاء کے علاقے کے اضلاع پر اسرائیلی جارحیت کے جواب میں کیے گئے تھے، حزب اللہ کے قریبی ذرائع نے مشرقی لبنان کے علاقے بعلبیک میں خبر رساں ایجنسی اے ایف پی کو بتایا کہ حملوں میں وادی بیقا میں جنتا اور سیفری کو نشانہ بنایا گیا، اسرائیلی فوج نے اپنے ٹیلیگرام چینل پر کہا کہ اس کے لڑاکا طیاروں نے علاقے میں حزب اللہ کے فضائی دفاعی نیٹ ورک سے تعلق رکھنے والے ایک ملٹری کمپلیکس اور تین دیگر تنصیبات کو نشانہ بنایا ہے، حزب اللہ نے ہفتے کے روز ایک اسرائیلی ڈرون کو زمین سے فضا میں مار کرنے والے میزائل کے ذریعے مار گرایا گیا۔