ایران پر حملے کیلئے 20 سال تیاری کی، بارہ روزہ جنگ میں اسرائیل اور امریکہ دونوں کو شکست دی

تحریر: محمد رضا سید
اسلامی انقلاب کے رہبر آیت اللہ سید علی خامنہ ای نے کہا ہے کہ جون میں ایران کے ساتھ 12 روزہ جنگ کے دوران امریکہ کو بھاری نقصان اٹھانا پڑا حالانکہ اس نے اپنی جدید ترین عسکری ٹیکنالوجی، آبدوزیں، لڑاکا طیارے اور جدید دفاعی نظام—استعمال کیے تھے، جمعرات کی شب نشر کئے گئے خطاب میں آیت اللہ خامنہ ای نے کہا 12 روزہ جنگ میں ایرانی قوم نے بلاشبہ امریکہ اور صہیونی حکومت دونوں کو شکست دی۔ وہ آئے، تخریب کاری کی کوشش کی لیکن شکست کھا کر اپنے اہداف حاصل کیے بغیر واپس لوٹ گئے یہ ان کیلئے حقیقی شکست تھی، رہبر انقلاب نے کہا کہ بعض رپورٹس کے مطابق صہیونی حکومت نے اس جنگ کی تیاری بیس سال سے کررہا تھا اور جنگ کی ایسی منصوبہ بندی کی تھی جس میں وہ یہ امید رکھتے تھے کہ عوام کو بھڑکا کر نظام کے خلاف کھڑا کر دیں گے لیکن نتیجہ اس کے برعکس نکلا وہ اس قدر ناکام ہوئے کہ جو لوگ نظام سے اختلافات رکھتے تھے وہ بھی اس کے ساتھ کھڑے ہوگئے اور پورے ملک میں ایک عمومی یکجہتی پیدا ہوگئی، رہبر انقلاب نے کہا کہ جدید ترین عسکری آلات کے باوجود امریکہ کو اس جنگ میں بھاری نقصان ہوا، امریکہ اس جنگ میں سخت نقصان سے دوچار ہوا، کیونکہ جدید ترین حملہ آور اور دفاعی ہتھیار استعمال کرنے کے باوجود وہ قوم کو دھوکہ دینے اور ان کی حمایت حاصل کرنے میں ناکام رہا، اس کے برعکس عوامی اتحاد میں اضافہ ہوا اور امریکہ کی تمام چالیں ناکام ہوئیں، انہوں نے کہا کہ جنگ میں ایران کو بھی جانی نقصان اٹھانا پڑا، لیکن ایران کا اسلامی جمہوری نظام نے ثابت کیا کہ وہ ارادے اور قوت کا مرکز ہے وہ بغیر کسی خوف کے مضبوط فیصلے لینے کی صلاحیت رکھتا ہے جبکہ دونوں دشمنوں کا جو مادی نقصان ہوا وہ ہمارے نقصان سے کہیں زیادہ تھا۔
واضح رہے کہ 13 جون کو اسرائیل نے ایران کے خلاف بلا اشتعال جنگ چھیڑی، جس میں متعدد اعلیٰ فوجی کمانڈروں، جوہری سائنس دانوں اور عام شہریوں کو شہید کیا گیا، ایک ہفتے بعد امریکہ بھی جنگ میں شامل ہو گیا اور اقوامِ متحدہ کے چارٹر، بین الاقوامی قانون اور جوہری عدم پھیلاؤ کے معاہدے کی خلاف ورزی کرتے ہوئے ایران کی تین جوہری تنصیبات پر بمباری کی اور نقصان پہنچایا مگر ایران نے اس کے جواب میں اسرائیل کے زیر قبضہ علاقوں کے اندر اسٹریٹجک مقامات اور قطر میں امریکی فضائی اڈے العدید کو نشانہ بنایا، جو مغربی ایشیا میں امریکہ کا سب سے بڑا فوجی مرکز ہے، جس کے بعد امریکہ اور اسرائیل نے غیرمشروط جنگ بندی کا اعلان کردیا اور ایران نے عالمی امن اور غزہ میں جنگ بندی اور اسرائیلی فوج کی غزہ کی پٹی کی واپسی کی یقین دہانی کے بعد امریکی اور اسرائیلی مفادات کو نقصان پہنچانا ترک کردیا تاہم ایران اپنی عسکری قوت کو لامحدود حد تک بڑھانے اور اپنے پُرامن ایٹمی پروگرام کو جاری رکھنے کا عزم کرچکا ہے، ایران نے سرکاری طور پر اعلان کیا ہے کہ اسرائیل نے ایران پر حملے کی پھر کوئی غلطی کی تو اُن کا ملک ایک ساتھ نو ہزار جدید میزائیلوں سے تل ابیب سمیت تمام شہروں اور فوجی تنصیبات حملہ کرئے اور کسی کو بنکرز میں بھی پناہ حاصل نہیں ہوگی۔
غزہ المیے پر صہیونی حکومت کی رسوائی کے متعلق آیت اللہ خامنہ ای نے کہا کہ غزہ میں پیش آنے والے المیہ خطے کی تاریخ کا ایک بڑا سانحہ ہے، امریکہ اس غاصب اسرائیل کے ساتھ کھڑا رہا اور اسی وجہ سے وہ بھی دنیا بھر میں بُری طرح بدنام ہوا ہے کیونکہ دنیا جانتی ہے کہ صہیونی حکومت اتنی تباہی امریکہ کی مدد کے بغیر نہیں پھیلا سکتی، انہوں نے اسرائیلی وزیراعظم بنيامین نیتن یاہو کو دنیا کا سب سے بدترین اور انسانیت کا دشمن قرار دیا، یاد رہے کہ اسرائیلی وزیراعظم نے معصوم بچوں کو قتل کرایا اور بچ جانے والے باقی ماندہ بچوں کیلئے دودھ کی فراہمی روکی، اس طرح کے اعمال کی وجہ سے اسرائیلی حکومت سے نفرت کا دائرہ اس کے مربی امریکہ بڑھا کیونکہ بائیڈن اور صدر ٹرمپ دونوں نے اسرائیل کی فوجی اور مالی مدد کے علاوہ غاصب ریاست کے خلاف اقوام متحدہ کی سلامتی کونسل میں پیش کردہ متعدد قرارداوں کو ویٹو کردیا، آیت اللہ خامنہ ای نے اس دعوے کو سختی سے مسترد کیا جس میں کہا گیا ہے کہ ایران نے کسی تیسرے ملک کے ذریعے امریکہ کو کوئی پیغام بھیجا ہے، یہ سراسر جھوٹ ہے، ایسا کچھ ہوا ہی نہیں، انہوں نے کہا کہ امریکہ نہ صرف دشمنوں بلکہ اپنے دوستوں کے ساتھ بھی دھوکا کرتا ہے اور دنیا بھر میں جنگیں بھڑکانے کی کوشش کرتا ہے تاکہ تیل اور دیگر وسائل پر قبضہ جمایا جا سکے، اُنھوں نے وینزویلا کے خلاف حالیہ امریکی اقدامات پر تبصرہ کرتے ہوئے کہا کہ اگست کے آخر سے امریکہ نے جنوبی کیریبین میں جنگی جہاز، جاسوس طیارے اور خصوصی آپریشنز یونٹس تعینات کر رکھے ہیں اور وینیزویلا کو فوجی مداخلت کی دھمکیاں دے رہا ہے۔
وینزویلا فوجی لام بندی میں مصروف ہے کیونکہ صدر ٹرمپ نے وینزویلا میں رجیم چینج امریکی خفیہ ایجنسی سی آئی اے کو ھدایت دیدی ہے جبکہ وینزویلا کی حکومت نے امریکہ کیساتھ ممکنہ فوجی تصادم کی تیاریوں کے ذیل میں عام لام بندی کا اعلان کیا ہے جسکا رسپانس 90 فیصد رہا ہے، جس سے اندازہ لگایا جاسکتا ہے کہ اس ملک میں امریکی سامراج کے خلاف کس قدر نفرت بڑھی ہوئی ہے، منگل کو کولمبیا کے صدر گستاوو پیٹرو نے بھی کہا کہ وینیزویلا کے خلاف امریکی دباؤ کی اصل وجہ تیل ہے، امریکہ اس ملک میں رجیم چینج کے ذریعے تیل پر قابض ہونا چاہتا ہے لیکن امریکہ کیلئے یہ اتنا آسان نہیں ہے جتنا پاکستان میں ہوتا ہے، امریکہ نے سابق وزیراعظم عمران خان کی حکومت کو باقاعدہ اعلان کے بعد تبدیل کرادیا تھا۔
آیت اللہ خامنہ ای نے ایرانی عوام کو سب سے پہلے قومی اتحاد کو محفوظ رکھنے اور اسے مضبوط بنانے کی تلقین کی، انہوں نے تسلیم کیا کہ سماجی گروہوں اور سیاسی دھڑوں میں اختلافات موجود ہیں، مگر زور دیا کہ دشمن کے مقابلے میں ایک ہونا ضروری ہے، جیسا کہ 12 روزہ جنگ کے دوران دکھائی دیا، انہوں نے کہا کہ ایسی یکجہتی ہی قوم کی اصل طاقت ہے، رہبر انقلاب اسلامی نے ملک کے انتظامی امور کی دشواریوں اور نقائص کا ذکر کرتے ہوئے عوام سے کہا کہ وہ صدر اور حکومت کا ساتھ دیں، انہوں نے بتایا کہ حکومت پہلے ہی مثبت اقدامات شروع کرچکی ہے، جن میں مرحوم صدر ابراہیم رئیسی کے نامکمل منصوبوں کو آگے بڑھانا بھی شامل ہے، انہوں نے امید ظاہر کی کہ عوام جلد ان اقدامات کے ثمرات دیکھیں گے، 12 روزہ جنگ کے دوران ایران کے طول و عرض میں اتحاد اور یکجہتی کا مظاہرہ دیدنی تھا اور اغیار نے ایران میں اسلامی نظام کی تبدیلی کا جو خواب دیکھا تھا وہ چکنا چور ہوگیا، اس دوران پڑوسی ملکوں سے پہنچائے گئے دہشت گرد مکمل طور پر بے بس رہے اور جو دہشت گرد کارروائی کیلئے نکلتا اُسے عوام سکیورٹی فورسز کو اطلاع فراہم کرتے اور وہ گرفتار کرلئے جاتے جس کا نتیجہ یہ نکلا کہ امریکہ اور اسرائیل کا ایران میں نظام اور آئین کے برخلاف مذموم تبدیلی لانے میں ناکام ہوئے اور اِن کے اربوں ڈالر خلیج فارس میں ڈوب گئے۔