اقوام متحدہ کی سلامتی کونسل نے غزہ میں فوری جنگ بندی کی قرارداد منظور کرتے ہوئے تمام اسرائیلی قیدیوں کی فوری اور غیر مشروط رہائی کا مطالبہ کیا ہے، امریکہ نے اس قراردار پر ووٹنگ میں حصہ نہیں لیا جبکہ سلامتی کونسل کے 15میں سے 14 ارکان نے قرارداد کی حمایت کی، فوری جنگ بندی کی یہ قرارداد سلامتی کونسل کے 10 رکن ممالک نے پیش کی، واضح رہے کہ غزہ کی وزارتِ صحت کا کہنا ہے کہ سات اکتوبر 2023 کے بعد غزہ میں اسرائیلی حملوں میں شہید ہونے والے فلسطینیوں کی تعداد 32 ہزار سے تجاوز کرگئی ہے، اسرائیل پر فلسطین میں جاری کارروائیوں کے بعد سے عالمی برادری کی جانب سے دباؤ کا بھی سامنا ہے کہ وہ اس بات کے شواہد بھی دُنیا کے سامنے پیش کرے کے اس کی کارروائیاں صرف حماس کے خلاف تھی۔
اسرائیلی فوج کا دعویٰ ہے کہ حماس کے سات اکتوبر کے حملوں میں 1200 اسرائیلیوں کی ہلاکت ہوئی تھی، اسرائیلی فوج نے مسلسل اپنی حکمت عملی کا دفاع کیا ہے اور مُصر ہے کہ وہ عام لوگوں کی ہلاکتوں کو کم سے کم رکھتے ہوئے صرف حماس کے جنگجوؤں اور تنصیبات کو نشانہ بنانے کی کوشش کررہی ہے، واضح رہے کہ اسرائیل کے خلاف عالمی عدالت انصاف جنگی جرائم کے خلاف جنوبی افریقہ کی درخواست سماعت کیلئے منظور ہوچکی ہے اور عالمی عدالت انصاف اس پر فیصلہ دے گی، غزہ پر اسرائیلی جارحیت کے بعد انسانی جانوں کے نقصان کے علاوہ فلسطینیوں کو قحط کی صورتحال کا بھی سامنا ہے۔
5 تبصرے
اسرائیلی ظلم کے آگے دنیا نے بند باندھا ہے مگر امریکہ نے غیر حاضر رہ کر انسانیت کے خلاف اسرائیلی جرائم کا ساتھ دیا ہے، یہاں میں ایک اور خبر پر تبصرہ کرنا چاہتا ہوں جو آپ کی سائٹ پر شائع نہیں ہوئی وہ ہے اسلام آباد میں غزہ کے حق میں جماعت اسلامی کی نکالی گئی ریلی جس پر محس نقوی نے پولیس کے ذریعے حملہ کروایا، محسن نقوی جو جنرل عاصم منیر کے رشتہ دار مشہور ہیں فلسطین سے متعلق قائد اعظم کی رائے سے ناوقف دکھائی دیتے ہیں، امریکہ کی چمچہ گیری محسن نقوی کو کچھ نہیں دے سکے گی وہ یہ بات یاد رکھیں۔
سلامتی کونسل میں غزہ آپریشن کے خلاف قرارداد کو پہلی مرتبہ امریکہ نے ویٹو نہیں کیا البتہ وہ غیر حاصر نہیں رہتا تو اسرائیل پر مزید دباؤ پڑتا
سلامتی کونسل نے اچھا فیصلہ کیا ورنہ غزہ میں اسرائیل ہر جاندار کو مار دیتے، نسل پرست یہودی کسی دوسرے انسان کو اپنے برابر نہیں سمجھتے
اسرائیل نے تو ابتک جنگ بند نہیں کی تو سلامتی کونسل کی قرارداد کا کیا فائدہ ، کیا عالمی فوج بھیج کر فلسطینیوں کو اُن کی سرزمین دلوائی جاسکتی ہے، اس پر امریکہ ہرگز تیار نہیں ہوگا
اسرائیل کو بلکل شرم نہیں آتی بچوں کو قتل کرتا ہے،اسرائیل میں بھی بچے ہیں انہیں اس بات کا خیال کیوں نہیں بہت ظالم لوگ ہیں۔