ملت اسلامیہ کی حفاظت کے لئے دفاعی لکیر قائم کرنا ہوگی تمام امت مسلمہ کا دشمن مشترکہ ہے

اسلامی انقلاب کے لیڈر آیت اللہ العظمیٰ سید علی خامنہ ای نے کہا ہے کہ ملت اسلامیہ کی حفاظت کے لئے دفاعی لکیر قائم کرنا ہوگی کیونکہ تمام امت مسلمہ کا دشمن مشترکہ ہے، نماز جمعہ کے بہت بڑے عوامی اجتماع سے خطاب میں رہبر انقلاب اسلامی نے کہا کہ اگر مسلمان ایک دوسرے کا خیال رکھيں تو اللہ ان پر رحمت نازل کرے گا، انھوں نے نماز جمعہ کا دوسرا خطبہ جس میں عموماً عالمی اور اُمت اسلامیہ کو درپیش مسائل پر پالیسیوں کے متعلق اظہار خیال کیا جاتا ہے عربی زبان میں دیا جو اس بات کو واضح کرتا ہے کہ اُن کے سامعین عرب عوام تھے، جھنوں نے اسرائیل پر ایران کے زور دار حملے کی بھرپور حمایت اور تائید کی ہے، تہران میں موجود تجزیہ نگار مہدی روغی نے بتایا کہ نماز جمعہ کا اتنا بڑا اجتماع انھوں نے اپنی پوری زندگی میں نہیں دیکھا، نماز جمعہ کا انعقاد مصلیٰ میں منعقد ہوا جس کے اندر دو لاکھ سے زیادہ لوگوں کو سمانے کی گنجائش ہے جبکہ مصلیٰ کی تمام شاہراہوں پر لوگوں کا اژدھام تھا