مسلم لیگ(ن) کے سینیٹر مشاہد حسین نے بانی پی ٹی آئی عمران خان سمیت تمام سیاسی قیدیوں کو رہا کرنے کا مطالبہ کیا ہے، تفصیلات کے مطابق مسلم لیگ(ن) کے سینیٹر مشاہد حسین سید نے سینیٹ اجلاس میں اظہار خیال کرتے ہوئے کہا کہ پی ٹی آئی سنگل لارجسٹ پارٹی بن کر سامنے آئی ہے، لیڈر شپ دکھانے اور اسٹیٹس مین شپ دکھانے کا وقت آگیا ہے، نواز شریف دل بڑا کرکے ہاتھ بڑھائیں، مشاہد حسین کا کہنا تھا کہ نوازشریف کو بانی پی ٹی آئی کے پاس ضرور جانا چاہیئے، مشاہد حسین اگر نواز شریف نے فوری فیصلہ نہ کیا تو موقع ضائع ہوجائے گا، ن لیگی سینیٹر نے مطالبہ کیا کہ تمام سیاسی قیدیوں کیلئے عام معافی کا اعلان کیا جائے اور بانی پی ٹی آئی سمیت تمام سیاسی قیدیوں کیلئے عام معافی کااعلان کیا جائے اور انھیں رہا کیا جائے ساتھ ہی حسین بلوچ اور خیبرپختونخوا کے مسنگ پرسنز بازیاب کرنے کا مطالبہ بھی کردیا۔
سینیٹر مشاہد حسین نے نواز شریف کو مشورہ دیا کہ وزارتِ عظمیٰ پیپلزپارٹی کو دے دیں اور خود سربراہِ مملکت بن جائیں ساتھ میں پاکستان تحریکِ انصاف کو سسٹم میں شامل کریں، ماضی کی غلطیاں نہ دہرائیں اور نادر موقع ضائع نہ کریں، ان کا مزید کہنا تھا کہ سیاسی جماعتوں کو مل کر قومی حکومت بنانی چاہیئے، سیاسی جماعتیں ماضی سے سبق سیکھ کر آگے کی طرف جائیں، 8 فروری کو عوام نے ثابت کیا کہ ان کا نظام پر اعتماد ہے، اس وقت 3بڑی سیاسی جماعتیں ہیں وہ ملکر فیصلہ کریں۔