وزیر اعظم آزاد جموں کشمیر چوہدری انوار الحق کے خلاف عدالت عظمیٰ میں دائر توہین عدالت کی درخواست کو منظور کرتے ہوئے سماعت کیلئے مقرر کردیا گیا، سماجی کارکن عمامہ گلریز سمیت دو وکلا راجا عبدالحمید اور سید علی زین کاظمی نے وزیراعظم آزاد کشمیر کے خلاف درخواست دائر کی ہے، درخواست گزاروں نے موقف اپنایا ہے کہ وزیراعظم چوہدری انوار الحق ہائی کورٹ آزاد جموں کشمیر کے فیصلے کی خلاف ورزی کے مرتکب ہوئے ہیں، ان کا کہنا تھا کہ سی بی آر نے عدالتی ملازمین کے جوڈیشنل الاؤنس میں ٹیکس کی مد میں کٹوتی کی تھی جس کو سپریم کورٹ نے کالعدم قرار دیا تھا اور کمشنر ان لینڈ ریوینیو کو کاٹی گئی رقم عدالتی ملازمین کو واپس کرنے کی ہدایت کر رکھی ہے، انہوں نے کہا کہ کمشنر ان لینڈ ریوینیو نے عدالت کے حکم پر عمل نہیں کیا، درخواست گزاروں نے کہا کہ وزیراعظم انوار الحق نے عدالتی احکامات کی خلاف ورزی کرتے ہوئے کمشنر ان لینڈ ریوینیو کو تبدیل کردیا اور ان کی جگہ نئی تعیناتی بھی نہیں کی، ان کا کہنا تھا کہ حکومت عدالتی ملازمین کے الاونسز سے کی گئی ٹیکس کٹوتی واپس نہیں کرنا چاہتی اور عدالتی حکم کی خلاف ورزی کر رہی ہے، آزاد کشمیر کی سپریم کورٹ نے درخواست منظور کرتے ہوئے وزیر اعظم انوار الحق سمیت تمام فریقین کو نوٹسز جاری کر دیئے اور مقدمے کی سماعت 21 مئی کو کی جائے گی۔
ہفتہ, جولائی 27, 2024
رجحان ساز
- مسلح افواج، سیاستدانوں، ججوں، بیوروکریٹس کو اپنی مراعات چھوڑنا ہونگی،جماعت اسلامی کا مطالبہ
- خیبر پختونخوا میں کسی طرح فوجی آپریشن نہیں ہونے دیں گے، وزیراعلیٰ علی امین گنڈاپور کا اعلان
- اسرائیلی وزیراعظم کے دورہ امریکہ کا بہانہ بناکر جنگ بندی مذاکرات آئندہ ہفتے تک ملتوی کردیئے
- جماعت اسلامی کا دارالحکومت میں دھرنا پولیس کی پکڑ دھکڑ شروع سرکاری اسپتالوں میں ایمرجنسی
- فرانس میں اولمپک گیمز سے قبل تخریب کاری، تیز رفتار ریل کا نظام ہفتے بھر معطل رہنے کا امکان
- سفاک اور بے رحم قاتل اسرائیلی وزیراعظم کا دورہ امریکہ اور کانگریس اراکین کا شرمناک کردار
- تحریری فیصلے جاری کرنے میں غیر معمولی تاخیر پر چیف جسٹس قاضی عیسیٰ کا ساتھی ججوں کو مشورہ
- چیف جسٹس قاضی فائزعیسیٰ سے انصاف کی توقع نہیں پی ٹی آئی متعلق کیسز سے دستبردار ہوجائیں