پاکستان میں جمہوریت اور انسانی حقوق کا احترام یقینی بنایا جائے،امریکی کانگریس کمیٹی

پاکستان میں جمہوریت، انسانی حقوق اور قانون کی پاسداری یقینی بنانے کیلئے  امریکی ایوان نمائندگان کی فارن افئرز کمیٹی نے قراردار اتفاق رائے سے قرارداد منظور کر لی ہے، اب یہ بل امریکی ایوان نمائندگان کو بھجوایا جائے گا، امریکی فارن افئرز کمیٹی میں منظور ہونے والی قرارداد پاکستان کے اندر جمہوریت اور ایسے شفاف انتخابات کے لئے حمایت ظاہر کرتی ہے جو عوام کی مرضی و منشا کے عکاس ہوں، رکن کانگریس میکارمک کےآفس نے اس بات کی تصدیق کی ہے کہ اس قرارداد کو صفر کے مقابلے میں 50 ووٹوں سے منظور کر لیا گیا ہے اور اس کی مخالفت میں ایک ووٹ بھی نہیں آیا، قرارداد میں مطالبہ کیا گیا ہے کہ فروری میں ہونے والے انتخابات میں مداخلت اور بے ضابطگیوں کی تحقیقات کرائی جائیں، اس قرارداد میں مطالبہ صدر جو بائیڈن اور وزیر خارجہ انٹنی بلنکن سے مطالبہ کیا گیا ہے کہ وہ پاکستان کی حکومت سے رابطہ کرکے جمہوریت، انسانی حقوق اور رول اآف لا پر عمل درآمد کو یقینی بنائیں۔

اس سے قبل فارن افئرز کمیٹی میں ہی انتخابات کے بعد کے پاکستان پر تفصیلی سماعت ہوئی تھی جس میں امریکہ کے معاون وزیرخارجہ برائے جنوبی و وسطی ایشیا ڈونلڈ لو پیش ہوئے تھے، اس سماعت کے دوران بالخصوص پاکستان کے میں ہونے والے حالیہ انتخابات میں دھاندلی کی شکایات توجہ کا مرکز رہیں، کانگریس میں یہ قرارداد رپیریزینٹیٹو ری پبلکن رچ میکارمک اور ڈیموکریٹ ڈین کیلڈینے پیش کی تھی، کچھ سیاسی رہنماوں کے لیے لیول پلئنگ فیلڈ نہ ہونے، سیاسی رہنماؤں اور ورکرز کی پکڑ دھکڑ، سیاسی ورکرز کے خلاف دہشتگردوں کے حملے، انتخابات کے ان انٹرنیٹ اور موبائل سروس کی بندش اور میڈیا پر پابندیوں پر کئی ارکان کانگریس کی جانب سے تندو تیز سوالات اٹھائے گئے تھے، کانگریشنل ہیئرنگ کے بعد اس قرارداد کی منظوری کو پاکستانی امریکیوں کی ایک اور کامیابی خیال کیا جا رہا ہے۔