چین کا بڑا اعلان ٹرمپ کے ٹیرف گیم پر توجہ نہیں دیگا، امریکی صدر ٹرمپ نے ٹیرف کو مذاق بنالیا

چین کی وزارت خارجہ نے کہا ہے کہ وہ امریکی صدر ڈونلڈ ٹرمپ کے “ٹیرف نمبر گیم” پر کوئی توجہ نہیں دے گا جب وائٹ ہاؤس نے تجویز کیا کہ چینی برآمدات کو 245 فیصد تک ٹیرف کا سامنا ہے، وائٹ ہاؤس نے اس ہفتے کے شروع میں ایک فیکٹ شیٹ میں ٹیرف کی تازہ ترین شرحوں کا انکشاف کیا، فیکٹ شیٹ میں ٹرمپ کا حالیہ 125 فیصد ٹیرف اور اس سے قبل بیجنگ کی جانب سے امریکہ کو فینٹینائل کی برآمدات کو روکنے میں ناکامی کے جواب میں عائد کیا گیا 20 فیصد ٹیرف شامل ہے، نیز 7.5 فیصد اور 100 فیصد کے درمیان ممکنہ ڈیوٹیز جو کہ 1974 کے تجارتی ایکٹ کے تحت شروع کیے گئے قومی سلامتی کے جائزوں کے بعد لگائی جا سکتی ہیں، جمعرات کو بیجنگ کے ریمارکس میں وزارت خزانہ کی طرف سے گزشتہ ہفتے کیے گئے بیانات کی بازگشت تھی، جس میں ٹرمپ کے بڑھتے ہوئے ٹیرف کو ایک مذاق قرار دیا گیا تھا کیونکہ ان کی اب کوئی معاشی اہمیت نہیں رہی۔
امریکی اشیا پر چین کا محصول 125 فیصد ہےلیکن بیجنگ نے ہالی ووڈ فلموں کی ریلیز کو محدود کرنے سمیت دیگر نان ٹیرف تعزیری اقدامات بھی کیے ہیں، ماہرین اقتصادیات نے کہا ہے کہ اگر ٹرمپ کے محصولات میں نرمی نہ کی گئی تو لاگت میں بے تحاشہ اضافے کی وجہ سے امریکہ اور چین کے درمیان زیادہ تر تجارت رک جائے گی، ورلڈ ٹریڈ آرگنائزیشن نے بدھ کے روز کہا کہ موجودہ حالات میں 2025 میں عالمی تجارت کے حجم میں 0.2 فیصد کمی متوقع ہے، ڈبلیو ٹی او نے کہا کہ ٹرمپ کے باہمی محصولات کے اسپل اوور اثر، جن میں سے بیشتر کو جولائی تک روک دیا گیا ہے، عالمی اشیا کی تجارت میں 1.5 فیصد کی شدید کمی اور برآمدات پر مبنی کم ترقی یافتہ ممالک کو نقصان پہنچا سکتا ہے، اقوام متحدہ کے ٹریڈ اینڈ ڈیولپمنٹ (یو این سی ٹی اے ڈی) کے دفتر نے بھی 2025 میں عالمی شرح نمو 2.5 فیصد سے نیچے کی طرف 2.3 فیصد رہنے کی اپنی پیشین گوئی پر نظر ثانی کی ہے، اس کے جائزے میں نوٹ کیا کہ 2.5 فیصد کی حد سے نیچے کی طرف جانے سے عالمی کساد بازاری کا اشارہ دیتی ہے۔