پاکستان میں سیلاب، فوڈ سکیورٹی کو خطرات لاحق ہوچکے ہیں کسانوں کے نقصان کا اِزالہ ناگزیر ہے!

پاکستان کے آبادی کے لحاظ سے دوسرے بڑے صوبے کے وزیراعلیٰ سندھ مراد علی شاہ نے کہا ہے کہ سیلاب سے کسانوں کو پہنچنے والے نقصان کا فوری حل نکالنا ضروری ہے ورنہ پاکستان کی فوڈ سکیورٹی خطرے میں پڑ جائے گی، کراچی میں وزیر اعلیٰ سندھ مراد علی شاہ نے میڈیا سے گفتگو کرتے ہوئے کہا کہ سیلاب سے کسانوں کو پہنچنے والے نقصان کا فوری حل نکالنا ضروری ہے، بصورت دیگر ملک میں فوڈ سکیورٹی کے سنگین مسائل پیدا ہوں گے جنہیں سنبھالنا مشکل ہوگا، انہوں نے بتایا کہ وزیراعظم شہباز شریف نے چیئرمین بلاول بھٹو کی تجویز پر نوٹس لیتے ہوئے زرعی ایمرجنسی نافذ کی ہے اور وفاقی سطح پر ایک کمیٹی بھی تشکیل دی گئی ہے، جس میں صوبوں کے نمائندے شامل ہیں جو موجودہ صورتحال کے حل کیلئے اقدامات کریں گے، مراد علی شاہ نے کہا کہ چیئرمین بلاول بھٹو زرداری کی ہدایت پر سندھ حکومت نے کسانوں کی امداد کیلئے ایک پیکج کا خاکہ تیار کیا ہے، جس کی تفصیلات اگلے ہفتے سامنے لائی جائیں گی، ان کا کہنا تھا کہ چیئرمین بلاول بھٹو کا وژن تھا کہ اقوام متحدہ کی سطح پر فلیش اپیل کی جائے اور گزشتہ روز وزیراعظم کی زیر صدارت ہونے والی میٹنگ میں یہ معاملہ زیر بحث آیا، جس پر سندھ سمیت تمام صوبائی حکومتوں نے امداد کیلئے عالمی اپیل کرنے کی بلاول کی تجویز سے اتفاق کرلیا تاہم تجزیہ کاروں کا کہنا ہے قدرتی آفت سے پاکستان کو پہنچنے والے کے مطابق عالمی امداد ملنا مشکل ہے کیونکہ موجودہ ہائیبر نظام پر عالمی اعتماد نہیں ہے جبکہ پاکستان میں ہر ادارے کی سطح عروج پر پہنچی ہوئی کرپشن نے صورتحال کو مزید مشکل بنادیا ہے، اس سے قبل پاکستان کو جب بھی سیلابی آفت کا سامنا کرنا پڑا تو برادر اسلامی ملکوں نے خاطر خواہ امداد فراہم کی لیکن یہ امداد متاثرین تک نہیں پہنچی بلکہ مالی امداد کو بجٹ خسارے کی مد میں استعمال کیا گیا اور جنسی امداد کا حکومتی اداروں اور برسراقتدار سیاسی جماعتوں کی جانب سے ناجائز استعمال ہوتا ہے اور امدادی سامان کی فروخت کی خبریں شائع ہوتی ہیں، پاکستان کی حکومت کو اپنے پاؤں پر کھڑا ہونے کیلئے چند فوری اقدامات کرنے ہونگے، حکومتی سطح پر غیرضروری پروٹوکال، مفت بجلی، مفت گیس، قیمتی گاڑیوں کا رواج ختم کرنا ہوگ
وزیراعلیٰ سندھ نے بتایا کہ سیلاب کے آغاز پر ہی سندھ حکومت نے اپنی تیاری شروع کردی تھی، جس میں اولین ترجیح لوگوں کی جان بچانا، بیراجز کو محفوظ بنانا اور بندوں کو مضبوط کرنا تھا، ان کا کہنا تھا کہ سیلاب کی پیک گڈو بیراج سے گزر چکی ہے اور اب اس میں کمی آنا شروع ہوگئی ہے، جب کہ اس وقت سکھر بیراج پر پیک موجود ہے اور امید ہے کہ آج وہاں بھی صورتحال بہتر ہونا شروع ہوجائے گی، وزیر اعلیٰ نے کہا کہ اب پانی سکھر سے کوٹھری کی جانب بڑھ رہا ہے، جہاں پر منتخب نمائندے اور ڈیزاسٹر منیجمنٹ کی ٹیمیں موجود ہیں تاکہ پانی خیریت سے گزر سکے، پیش گوئی کے مطابق 8 سے 11 لاکھ کیوسک پانی آنے کا خدشہ تھا، اسی حساب سے صوبہ سندھ نے اپنی تیاری مکمل رکھی، مراد علی شاہ نے کہا کہ اس موقع پر ایریگیشن ڈیپارٹمنٹ، ڈیزاسٹر منیجمنٹ، ضلعی انتظامیہ، محکمہ صحت، لائف اسٹاک ڈپارٹمنٹ اور مقامی افراد نے بھرپور تعاون اور کردار ادا کیا ہے، جس پر وہ سب کے شکر گزار ہیں۔