ہندوستان میں بغیر جوڑے کی شادیاں، موسیقی، رقص، تفریح سے بھرپور رنگین رات اور کہانی ختم

ہندوستان میں جہاں شادیاں تقریباً 100 ارب پاؤنڈ کی انڈسٹری بن چکی ہیں اور امیر ترین لوگ ایک ہی شادی پر کروڑوں ڈالر خرچ کر دیتے ہیں، وہاں اس ملک میں اب نیا رجحان تیزی سے مقبول ہو رہا ہے یعنی نوجوان ہندوستانی شہری ایسی شادیوں میں جانے کیلئے پیسے دے رہے ہیں جہاں دراصل کوئی جوڑا حقیقی شادی نہیں کررہا ہوتا بلکہ یہ صرف موسیقی، رقص اور تفریح سے بھرپور ایک رنگین رات ہوتی ہے، یہ جعلی شادیاں ایک روایتی انڈین شادی کے ماحول کی نقل ہوتی ہیں جہاں گیندے کے پھولوں کی مالائیں، چمکدار ساڑھیاں اور لہنگے، بولی وڈ کے گانے سب موجود ہوتے ہیں لیکن کسی مذہبی رسم، خاندانی ڈرامے یا مالی دباؤ کے بغیر، جو سلسلہ اس سال کے آغاز میں دہلی میں ایک انوکھی کوشش کے طور پر شروع ہوا وہ جلد ہی بنگلور، حیدرآباد اور دیگر شہروں تک پھیل گیا اور سال کے سب سے زیادہ زیر بحث سماجی رجحانات میں سے ایک بن گیا، ہندوستانی شادی کے اثر کو سمجھنے کیلئے اس کے پیمانے کو سمجھنا ضروری ہے، اندازوں کے مطابق ملک میں ہر سال تقریباً ایک کروڑ شادیاں ہوتی ہیں، جن کیلئے خاندان برسوں تک پیسے جمع کرتے ہیں، 2024 میں انویسٹمنٹ ایڈوائزری فرم رائٹ ریسرچ نے ہندوستانی شادی سروسز سیکٹر کی مالیت 75 ارب پاؤنڈ سے زائد بتائی جبکہ گرینڈ ویو ریسرچ نے اندازہ لگایا کہ اگلی دہائی میں اس میں سالانہ 14 فیصد سے زیادہ اضافہ ہوگا، ہندوستان میں شادیاں عام طور پر تین سے سات دن تک جاری رہتی ہیں اور سینکڑوں یا ہزاروں مہمانوں پر مشتمل ہوتی ہیں، روایات خطے اور مذہب کے لحاظ سے شادیوں کی تقریبات مختلف ہیں مثلاً کنیا دان میں باپ علامتی طور پر بیٹی کو رخصت کرتا ہے، ست پدی میں جوڑا مقدس آگ کے گرد سات چکر لگا کر رشتہ پختہ کرتا ہے، ابٹن میں دولہا دلہن پر ہلدی لگائی جاتی ہے تاکہ انہیں پاکیزگی اور برکت حاصل ہو اور سنگیت میں شادی سے قبل موسیقی اور رقص کی تقریب منعقد کی جاتی ہے، سکھ شادیوں میں جوڑا مقدس گرنتھ صاحب کے گرد پھیرے لیتا ہے جبکہ مسلمانوں میں نکاح کے ذریعے شادی کی جاتی ہے، ان روایتی رسوم کے ساتھ ساتھ، شادیاں اب ایک کاروبار بھی بن چکی ہیں جنہیں ترتیب دیئے گئے رقص، تھیم پر مبنی سجاوٹ، مہنگے کھانوں اور مشہور شخصیات کی شرکت سے سجایا جاتا ہے۔
اس کی سب سے نمایاں مثال گذشتہ سال اننت امبانی کے بیٹے کی شادی تھی جو ہندوستان کے امیر ترین شخص ہیں اور رادھیکا مرچنٹ کی شادی تھی، یہ تقریبات مارچ سے جولائی تک چلیں، جن میں ریانا، کیٹی پیری، پٹ بل اور آندریا بوچلی جیسے بین الاقوامی ستاروں نے پرفارم کیا، عالمی سیاست دانوں اور تفریحی دنیا کی شخصیات نے شرکت کی اور تقریب مختلف ممالک میں منعقد ہوئی، اس پر کروڑوں ڈالر خرچ ہوئے جس نے اسے دنیا کی سب سے مہنگی شادیوں میں سے ایک بنایا، عام ہندوستانیوں کیلئے ایسی شان و شوکت ممکن نہیں مگر امبانی کی شادی نے یہ دکھا دیا کہ اب شادی محض رشتہ نہیں بلکہ سماجی حیثیت، ثقافتی خواہش اور مالی نمائش کی علامت بن چکی ہے تاہم لوگوں کو شادیاں سب سے زیادہ جس وجہ سے یاد رہتی ہیں، وہ سادہ سی بات ہے یعنی رقص، بھیڑ اور اجتماعی خوشی، اسی چمک دمک کے سائے میں نقلی شادیاں کم لاگت میں اسی جوش کو واپس لاتی ہیں، چار سے 60 پاؤنڈ تک کے ٹکٹ پر کوئی بھی شخص اس جشن میں شامل ہو سکتا ہے وہ بھی بغیر کسی بھی قسم کی سماجی ذمہ داری کے بغیر، دہلی میں جمعہ کی رات نامی ایونٹ آرگنائزرز نے فروری میں ایک جعلی سنگیت کا انعقاد کیا، اس کے کو فاؤنڈر صاحب گجرال کہتے ہیں کہ آپ شادی کی طرح تیار ہوتے ہیں، شادی والے گانے پر ناچتے ہیں، شادی جیسی سجاوٹ کرتے ہیں، ان تقریبات میں کوئی پھیرے یا وعدہ نہیں کئے جاتے، صرف شادیوں کے وہ حصے ہوتے ہیں جن سے مہمان سب سے زیادہ لطف اندوز ہوتے ہیں، دہلی کی ایک تقریب میں لوگ ہنسی مذاق میں پوچھ رہے تھے کہ وہ دلہن کی طرف سے ہیں یا دولہے کی طرف سے حالانکہ دونوں میں سے کوئی نہیں ہوتا، اجنبی ایک دوسرے کے ساتھ خاندانی تصویریں بنواتے، رقص کرتے ہین اور آدھی رات تک منظر مزاحیہ نہیں بلکہ سچی خوشی کا لمحہ لگتا ہے، پوچا نامی خاتون، جو دہلی میں دو روزہ جعلی شادی میں شریک ہوئیں نے بتایا کہ ان کے پاس ایک قیمتی لہنگا پڑا تھا جو وہ اسے کلب میں نہیں پہن سکتیں تھیں لیکن یہاں تو یہی ڈریس کوڈ ہے کچھ لوگ ان تقریبات کو اپنی فلمی خواہشات پوری کرنے کا موقع سمجھتے ہیں۔