پاکستان کبھی بھی سافٹ اسٹیٹ نہیں رہا جس سے دہشت گردی کا خاتمہ ہو، وہی پالیسی اپنانی چاہیے

عوامی نیشنل پارٹی کے صوبائی صدر میاں افتخار حسین نے دہشت گردی کے خاتمے کیلئے موثر اقدامات کا مطالبہ کرتے ہوئے کہا کہ دہشت گردوں میں کوئی کوئی گڈ یا بیڈ نہیں جب کہ پاکستان کبھی سافٹ اسٹیٹ نہیں رہا، وہی پالیسی اپنانی چاہیے جس سے دہشت گردی کا خاتمہ ہوسکے، پشاور میں پریس کانفرنس کرتے ہوئے میاں افتخارحسین کا کہنا تھا کہ پی ٹی آئی نے صوبے میں مالی دہشت گردی شروع کی ہے، رمضان پیکج میں کارکنوں اور ارکان اسمبلی کو فائدہ پہنچایا گیا بتایا جائے رمضان پیکج کے لئے پیسے کہاں سے آگیا؟انہوں نے کہا کہ اربوں روپے خرچ کرکے سیاسی فائدہ حاصل کیا گیا، عوام کے ٹیکس کا پیسہ اراکین اسمبلی کے ذریعے تقسیم کیا گیا، عدلیہ اس سیاسی بدعنوانی کا نوٹس لیں، میاں افتخار حسین کا کہنا تھا کہ خطے میں ایک نئی جنگ کی تیاری ہورہی ہے، پالیسی ساز ادارے مکمل ناکام ہوگئے ہیں، پاکستان کو خواہشات کا کھلونا نہ بنایا جائے، خارجہ پالیسی کو درست کیا جائے اور ساتھ ہی پڑوسیوں سے تعلقات بہتر کیے جائیں جب کہ دہشت گردی کے خاتمے کے لئے موثر اقدامات کیے جائیں، انہوں نے کہا کہ خیبر پختونخوا میں 40 ہزار دہشت گردوں کو یہاں لایا گیا اور نیشنل ایکشن پلان کو پھینکا گیا، نیشنل ایکشن پلان پر عمل درآمد میں روکاوٹیں کون ڈال رہا ہے، حکومتیں ناکام ہوچکی ہیں۔
ان کا کہنا تھا کہ دہشت گرد، دہشت گرد ہے، اس میں کوئی اچھا اور برانہیں ہوتا، پاکستان کھبی سافٹ سٹیٹ نہیں رہا، جس سے دہشت گردی کا خاتمہ ہو، وہی پالیسی اپنانی چاہیے، خیال رہے کہ آرمی چیف جنرل عاصم منیر نے قومی سلامتی کی پارلیمانی کمیٹی سے خطاب کے دوران اس امر پر زور دیا کہ بہتر گورننس اور مملکت پاکستان کو ہارڈ اسٹیٹ بنانے کی ضرورت ہے، ان کا کہنا تھا کہ ہم کب تک ایک سافٹ اسٹیٹ کی طرز پر جانوں کی قربانی دیتے رہیں گے، گورننس کے خلا کو کب تک افوج پاکستان اور شہدا کے خون سے بھرتے رہیں گے، اے این پی رہنما نے کہا کہ آرمی چیف کو سیاسی جماعتوں نے کہا کہ افغانستان کا مسئلہ لڑائی سے ختم نہیں ہوگا اور افغانیوں کو نکالنے سے دہشت گردی ختم نہیں ہوگی، ان کا کہنا تھا کہ کسی بھی قوم کی توہین نہیں ہونی چائیے، افغانیوں کو کیسے زبردستی نکالیں گے، مہاجرین کے قوانین ہیں اس کے مطابق افغانیوں کو ڈیل کیا جائے، میاں افتخار حسین نے مزید کہا کہ ہم دہشت گردی کو ختم کرنے میں سنجیدہ نہیں ہیں، اے این پی واحد پارٹی ہے جو دہشت گردی کے خاتمے میں سنجیدہ ہے، ایک بار پھر خبردار کررہے ہیں کہ ایک بار پھر عالمی جنگ کا حصہ نہ بنے۔