یو ایس ایڈ پروگرام کی بندش کے بعد ہندوستان میں ٹرانسجینڈرز کیلئے قائم طبی مراکز بند کردیئے گئے

بھارت کے مقامی میڈیا کے مطابق یو ایس ایڈ کی امداد کی بندش کے بعد بھارت میں ٹرانس جینڈر کلینک بند کردی گئی ہے، یو ایس ایڈ کی مالی معاونت سے چلنے والی کلینک ٹرانسجینڈر کی صحت عامہ سے متعلق مشورے، ایچ آئی وی کی جانچ اور علاج، دماغی صحت کیلئے مدد فراہم کرنا اور ٹرانسجینڈر افراد کو قانونی اور سماجی خدمات کی فراہمی کو یقینی بناتی تھی، کلینک کو امریکہ کی ایجنسی برائے بین الاقوامی ترقی (یوایس ایڈ) اور ایڈز ریلیف کے لئے امریکی صدر کے ہنگامی منصوبے سے مدد فراہم کی جاتی تھی، جس نے ٹرانس جینڈر کمیونٹی کو صحت کی دیکھ بھال کی خدمات فراہم کیں، رپورٹس کے مطابق کلینک کی بندش امریکی صدر ڈونلڈ ٹرمپ کے حکم پر امریکہ کی جانب سے دی جانے والی تمام غیر ملکی امداد پر 90 دن کے لئے روکے جانے کے بعد ہوئی ہے، امریکہ یو ایس ایڈ کے ذریعے بین الاقوامی منصوبوں کے لئے سالانہ 40 بلین ڈالر سے زیادہ کی فنڈنگ کرتا ہے، اس کارروائی کی وجہ سے عالمی سطح پر ہزاروں پروگرام معطل ہوگئے اور یو ایس ایڈ کے متعدد اہلکار چھٹی پر چلے گئے۔
ہندوستانی اخبار دی ہندو کو کلینک سے وابستہ ایک ٹرانس ہیلتھ ماہر نے بتایا کہ جنوری کے آخر میں فنڈنگ میں کٹوتی کے اعلان کے فوراً بعد آپریشن معطل کر دیا گیا تھا، کلینک جنوری 2021 میں حیدرآباد میں قائم کی گئی تھی اور اس کے دو اضافی کلینک مغربی ہندوستانی شہروں ممبئی اور پونا میں ہیں، ٹرانس جینڈر کلینک کے لئے فنڈنگ پر حال ہی میں امریکی ریپبلکن سینیٹر جان کینیڈی نے سوال اٹھایا تھا، یوایس ایڈ نے ہندوستان میں ایک ٹرانس جینڈر کلینک کو رقم کیوں فراہم کی گئی جبکہ امریکہ اس جینڈر کو تسلیم ہی نہیں کرتا، کینیڈی نے کہا مجھے یہ معلوم نہیں تھا اور میں شرط لگاتا ہوں کہ امریکی لوگ بھی یہ نہیں جانتے تھے، انہوں نے فروری کے شروع میں کہا تھا کہ اس دوران ریپبلکن نمائندہ نینسی میس نے بالی ووڈ اداکارہ سونم کپور کے بہنوئی کی کمپنی شاہی ایکسپورٹ سے منسلک ایک تنظیم کو یوایس ایڈ کی طرف سے 750,000 ڈالر کی گرانٹ کی طرف اشارہ کیا تاکہ ہندوستان میں تارکین وطن کارکنوں میں تنہائی کو دور کیا جا سکے، پیر کے روز، بھارتی وزیر خارجہ ایس جے شنکر نے امریکی صدر ڈونلڈ ٹرمپ کے اس بیان کے بعد کہ بھارت میں ووٹروں کی تعداد بڑھانے کے لئے یو ایس ایڈ نے 21 ملین ڈالر مختص کیے تھے، بھارت کے انتخابات میں ممکنہ غیر ملکی مداخلت کے بارے میں خدشات کا اظہار کیا، انہوں نے کہا تھا کہ نئی دہلی اس معاملے کی تحقیقات کر رہی ہے اور آخرکار حقائق سامنے آئیں گے۔